ആലങ്ങാട്: യുവാക്കളുടെ കൂട്ടായ്മയിൽ നീറിക്കോട് പള്ളിപ്പടിയിൽ ബസ് കാത്തിരിപ്പു കേന്ദ്രം ഒരുക്കി. റിങ്ങ് ബോയ്സ് എന്ന പേരിൽ പ്രവർത്തിക്കുന്ന 35 യുവാക്കളുടെ കൂട്ടായ്മയുടെ ശ്രമഫലമായാണ് സെന്റ് ജോസഫ്സ് പളളി നൽകിയ സ്ഥലത്ത് ചുരുങ്ങിയ ദിവസത്തിനുള്ളിൽ കാത്തിരിപ്പുകേന്ദ്രം നിർമിച്ചത്.
പള്ളി വികാരി ഫാ. ജോർജ് കളത്തിപ്പറമ്പിൽ വെഞ്ചിരിപ്പ് നടത്തി ഉദ്ഘാടനം ചെയ്തു. ഫാ. തോംസൺ ഒള്ളാട്ടുപുറത്ത് സംസാരിച്ചു.

